Англија Рафаел ван дер Варт вели дека не било лесно да го напушти Реал Мадрид, но сега е заљубен во Тотенхем...

Ван дер Варт одигра одлична сезона во дресот на Тотенхем покажувајќи се како вистинско освежување во редовите на Спарси.

Холандскиот интернационалец е задоволен од престојот во клубот од Северен Лондон и смета дека ја донел вистинската одлука кога се одлучил за трансфер во Тотенхем.

"Не беше лесно да се напушти Реал Мадрид. Но кога Тотенхем дојде по мене, разговарав со менаџерот и претседателот и се заљубив во клубот, и посакав да се преселам на Вајт Харт Лејн" - изјави Ван дер Варт.

Ван дер Варт открива дека добил и позитивни препораки од неговиот сонародник и поранешен фудбалер на Тотенхем, Едгар Давидс.

"Имав контакт со Едгар кој исто така играше за Спарси, тој ми кажа дека тоа било одличен клуб и луѓето се добри. Тој исто така ми рече дека лигата ќе ми одговара добро".

Powered by: 24 FUDBAL.com.mk