Останато Поранешниот тренер на Барселона, Франк Рајкард наскоро треба да биде именуван за нов селектор на Саудиска Арабија...

Селекцијата на Саудиска Арабија е без селектор откако на португалецот Жозе Песеиро му беше врачен отказ по катастрофалните резултати и трите порази на Купот на Азија што во јануари се одржа во Катар.

Минатиот месец беше соопштено дека Рикардо Гомез ќе биде наследник на Жозе Пасеиро на селекторската функција.

Но целата зделка пропадна во последен момент откако двете страни не можеа да постигнат согласност за датумот кога Гомез требаше да започне да ја извршува функцијата.

Според денешните извештаи на медиумите, Саудиска Арабија сега е многу блиску до назначување на Франк Рајкард за нов селектор.

Поранешниот стратег на Барселона и Холандија, утре во Лондон ќе треба да стави потпис на тригодишен договор вреден 11 милиони долари.

Рајкард е без работа од октомври, кога доби отказ од Галатасарај по слабите резултати кои ги бележеше клубот.

Powered by: 24 FUDBAL.com.mk