Италија Претседателот на Интер, Масимо Морати признава дека Леонардо би можел да замине од Џузепе Меаца и додава дека Нероаѕурите оствариле контакт со Марсело Биелса...
Морати вчера најпрво негираше дека тој разговарал со еко-селекторот на Чиле, Марсело Биелса и најави дека Леонардо останува на тренерското столче во Интер.
Тој исто така изјави дека Лео е на одмор во Бразил а не во Доха на преговори со ПСЖ.
Но шпекулациите кои велеа дека Леонардо ќе стане нов технички директор на ПСЖ денеска беа уште посилни па сега претседателот на Нероаѕурите призна дека постои можност Леонардо да замине од Џузепе Меаца.
“На Лео му се укажува одлична можност.” – рече Морати.
“Ќе се обидеме да пронајдеме решение што ќе биде задоволувачко за двете страни.”
“Лео ги извршуваше тренерските должности со силна волја и страст, но тоа не е негова аспирација за во иднина.”
“Се сложивме тој да ја следи својата аспирација а ние да побараме нов тренер. Но можно е Лео да го промени своето мислење а истото да го сториме и ние.”
Морати исто така потврди дека Интер остварил прв контакт со Биелса.
“Мислам дека е остварен прв контакт со Биелса, но не преку мене.”
Powered by: 24 FUDBAL.com.mk
