Англија Менаџерот на Тотенхем, Хери Реднап инсистира дека тие нема да ги продадат Лука Модриќ, Герет Бејл и Сандро

Реднап во исто време вели дека тие не се блиску до комплетирање на некоја зделка и ангажман на ново лице на Вајт Харт Лејн.

За Sky Sports News менаџерот на Спарс рече: “Имаше многу телефонски повици, многу шпекулации во весниците но не сме блиску до ангажман на ниту еден фудбалер и секако дека не се обидуваме да продадеме некој од нашите подобри фудбалери.”

“Нема да го продадеме Лука Модриќ, нема да го продадеме Герет Бејл, нема да го продадеме Сандро.”

“Се обидуваме да изградиме тим во Тотенхем, а не да го растуриме оној што веќе го имаме.”

“Доколку сакаме да продолжиме да притискаме за врвот и настап во Лигата на Шампионите ќе треба да ги задржиме фудбалерите и да донесеме еден или двајца фудбалери од топ класа.”

“Па затоа не сакаме да ги продадеме фудбалерите – тоа ќе биде голем чекор наназад за клубот.”

За шпекулациите кои велат дека Модриќ би можел да замине од Вајт Харт Лејн во трансфер вреден 20 милиони фунти, Реднап рече: “20 милиони фунти за Лука? Тие мора да сонуваат, тој е фантастичен фудбалер.”

“Знаете, ние се распрашуваме за одредени фудбалери и од нас се бара многу повисока сума за луѓе што не можат да си ги врзат копачките.”

“Нема да ставам вредност на Лука, не сакам да го продадам.”

“Тој е незаменлив – последниот фудбалер што би сакале да видите како заминува од вашиот фудбалски клуб.”

Powered by: 24 FUDBAL.com.mk