МЕНИ

Шпанија Екипата на Барселона ги договори личните услови на Алексис Санчез и сега останува уште Каталонците да постигнат договор со Удинезе за висината на оштетата

Актуелниот шампион на Шпанија и Европа е многу блиску до ангажман на Алексис Санчез од Удинезе.

Последните извештаи говорат дека Барселона веќе има постигнато согласност со интернационалецот од Чиле за годишна плата од 3 милиони евра.

Сега останува само Каталонците да се договорот со Удинезе за висината на оштетата.

Претседателот на Удинезе, Франко Солдати за La Tercera рече: “Од она што нас ни го пренесе агентот на фудбалерот, Фернандо Фелисевич, Алексис Санчез постигнал согласност со Барселона за договор вреден 3 милиони евра по сезона.”

“Тоа не значи дека Санчез дефинитивно се сели во Барса, но тоа е она што го посакува фудбалерот.”

“Се надеваме дека ќе успееме да ја исполниме желбата на фудбалерот, но мислам дека преговорите нема да финишираат до крајот на јуни.”

Според пишувањето на медиумите, Санчез и Барса имаат постигнато согласност за четиригодишен договор со опција за уште една додатна година.

Исто така се верува дека Удинезе побарува околу 30 милиони евра за услугите на Санчез и Барса ќе мора да ја плати оваа сума доколку сака да го ангажира интернационалецот од Чиле.

“Тоа што Санчез кажал ДА на Барселона не значи и ДА од Удинезе.” – продолжи Солдати.

“Тоа се две различни работи. Ние ќе почнеме преговори со Барселона и нема да ги спречиме да разговараат со фудбалерот. Но сега сме на почетокот од преговорите.”

“Доколку тие го понудат она што го бараме, тогаш нема да има проблеми, но сеуште треба да разговараме на оваа тема.”

“Во моментов Барселона е фаворит за потписот на Санчез пред Јувентус и Интер. Овие три клуба се блиску до ангажман на фудбалерот но сеуште ништо не е готово.”