МЕНИ

Шпанија Агентот на Нејмар, Вагнер Рибеиро вели дека тие не се во контакт со Реал Мадрид и додава дека напаѓачот е фокусиран само на финалето од Копа Либертадорес

19 годишниот бразилски интернационалец важи за еден од најголемите таленти во светот на фудбалот.

Минатото лето Челзи достави понуда за неговите услуги но Нејмар тогаш реши да остане во Бразил и стави потпис на нов договор.

Се шпекулира дека ’Сините’ и ова лето ќе се обидат да ангажираат напаѓачот но се очекува тимот од Стемфорд Бриџ да има силна конкуренција.

Низ медиумите од Шпанија денеска проструи информацијата дека Роналдо му предложил на Реал Мадрид да го ангажира Нејмар.

’Феноменот’ има добар однос со Флорентино Перез и на претседателот на Реал му порачал дека Нејмар е подготвен да го носи дресот на Лос Бланкос.

Но агентот на фудбалерот, Вагнер Рибеиро вели дека тие не се во контакт со лидерите на Реал Мадрид.

“Реал Мадрид не остварил контакт ниту со мене ниту со Нејмар.” – рече Рибеиро за Cadena Cope. “Никој не ни се јавил.”

“Додатно, момчето е фокусирано само на Сантос и финалето од Копа Либертадорес. Не сме заинтересирани да зборуваме за нешто друго во ваков деликатен момент кога влогот е огромен.”

Рибеиро потоа додаде: “Нејмар е како Меси. Наскоро ќе биде најдобар во светот бидејќи е уникатен фудбалер. Има само 19 години и сите големи клубови го следат.”

Агентот исто така потврди дека Сантос ќе побарува голема сума на пари за да се откаже од услугите на Нејмар.

“Минатата година добивме понуда од 35 милиони евра од Челзи и таа беше одбиена.”

“Сега цената на фудбалерот порасна и нема да замине за помалку од 45 милиони евра.”