Останато Сеп Блатер, кој се нарече себеси ’капетан на брод’ и вети ’радикални реформи’ е пред добивање на нов мандат за претседател на ФИФА

Денеска, на вториот ден од 61от конгрес на ФИФА треба да биде потврден новиот четиригодишен претседателски мандат на Сеп Блатер откако беше одбиено барањето на Фудбалската Асоцијација на Англија за одложување на изборите.

ФА сакаше да се одложи изборот за нов претседател поради неодамнешните обвинувања за корупција што беа насочени кон светската куќа на фудбалот.

Блатер е единствениот кандидат за претседател откако неговиот ривал Мохамед Бин Хамам се повлече од трката откако беше суспендиран од Етичкиот Комитет при ФИФА.

Но барањето на Англија беше одбиено и сега само се очекува формалниот ре-избор на Сеп Блатер за претседател на ФИФА.

При своето обраќање до 208те делегати, Блатер рече: “Бродот ФИФА е во проблематични води, но овој брод мора да се врати на прав пат.”

“Затоа моја должност и одговорност е да се стори се што е потребно за да се вратиме на прав пат.”

Швајцарецот потоа додаде: “Ќе бидат направени реформи. Но промените нема да бидат мали, туку тие ќе бидат радикални.”

“Направивме одредени грешки, но ќе извлечеме поука од заклучоците.”

Powered by: 24 FUDBAL.com.mk