Англија Димитар Бербатов вели дека сака да остане во Манчестер Јунајтед и покрај тоа што беше изоставен од финалниот натпревар во Лигата на Шампионите.

На големо изненадување на многумина Бербатов не беше ниту на клупата за резервни фудбалер на Вембли во финалниот дуел од Лигата на Шампионите иако бугарскиот фудбалер беше најдобар стрелец во Премиер лигата.

Тој не ја крие фрустрацијата поради тоа, но вели дека сака да остане во Манчестер Јунајтед и покрај шпекулациите кои го поврзуваат со заминување од Олд Трафорд.

"Сакам да останам. Ќе се борам за 20та титула" - изјави Бербатов за бугарска телевизија.

"Доколку се откажував лесно, никогаш немаше да го направам тоа што го направив до сега. Во Манчестер Јунајтед за мене се започнува од нула на 4. јули".

"Ќе има нови финалиња и ќе се бориме за нови титули. Гледам напред. Кога поминувате низ тежок период, не треба да се откажете".

"Вистината е дека останав во соблекувалната и го гледав финалето од Лигата на Шампионите на ТВ".

"Бев навистина разочаран. Бев засрамен што не бев дел од тимот и не сакав луѓето да гледаат колку тажно се чувствувам".

Powered by: 24 FUDBAL.com.mk