Италија Спортскиот директор на Рома, Валтер Сабатини открива дека наскоро ќе има средба со тренерот на Марсеј, Дидие Дешамп

Се очекува Римската Волчица наскоро да се раздели со Винченцо Монтела и на негово место да назначи нов стратег.

Медиумите шпекулираат дека тренерот на Барселона Б, Луис Енрике и тренерот на Марсеј, Дидие Дешамп се фаворити за транерското столче на Рома.

Во интервју за L’Equipe спортскиот директор на Рома, Валтер Сабатини открива дека наскоро ќе има средба со Дешамп.

“Сигурно ќе се сретнам со Дидие Дешамп многу наскоро.” – рече Сабатини. “Веќе разговаравме неколку пати преку телефон.”

“Постои желба за пристигнување во Рим. Дешамп би бил добар избор.”

Само еден ден претходно, претседателот на Марсеј, Жан Клод Дасие изјави дека Дидие Дешамп ќе остане на Стад Велодром.

За www.om.net Дасие рече. “Тој си поигрува со новинарите, но за мене воопшто не постои сомнеж – Дешамп ќе биде тренер на Марсеј следната сезона.”

“Дидие го сака Олимпик Марсеј и градот, но исто така е и голем професионалец. Останувам убеден дека тој ќе остане со нас и ние ќе го потврдиме тоа во следните неколку дена.”

Медиумите шпекулираат дека во договорот на Дешамп има клаузула според која стратегот може да замине доколку некој плати 3 милиони евра до 15ти јуни.

Powered by: 24 FUDBAL.com.mk