Останато Напаѓачот на Ренџерс, Никица Јелавиќ открива дека нема да може да одбие преселба во Манчестер Јунајтед доколку гигантот од Премиер Лигата достави понуда

Јелавиќ имаше имрепсивна дебитанска сезона во шампионатот на Шкотска и постигна 16 погодоци на 23 натпревари.

Во последно време се шпекулира дека Манчестер Јунајтед пројавува интерес за услугите на хрватскиот интернационалец и напаѓачот признава дека ќе му биде тешко да ги одбие ’Црвените Ѓаволи’ доколку пристигне конкретна понуда.

“Да се преселам во друг клуб? Не, тоа е последната работа на која размислувам.” – рече Јалавиќ за Jutarnji List.

“Уживам во Шкотска. Мојот живот е фантастичен. Ми се допаѓа тоа што сум фудбалер тука. Исто така и моето семејство е среќно. Па не гледам причина зошто да заминам.”

“Манчестер Јунајтед? Ќе ми биде многу тешко да ги одбијам. Но за ’Црвените Ѓаволи’ читам само во весниците.”

“Секако дека сум среќен што моето име се поврзува со толку голем клуб, но навистина не знам ништо околу ова. Јас и Волтер Смит, кој го познава Алекс Фергусон многу добро, се шегуваме на оваа тема.”

“Тој ми вели дека Ферги гради тим за јас да се вклопам во него. Но во реалноста, се сомневам дека тој ќе разговара со Фергусон за свој фудбалер... Но секако, доколку Манчестер Јунајтед достави понуда за мене, тогаш нема да можам да останам во Шкотска.”

“Манчестер Јунајтед е клуб на кој не можете да му кажете не. Доколку ме побара Њукасл, ќе останам во Глазгов, без сомнеж.”

Powered by: 24 FUDBAL.com.mk