Италија Јувентус потврди дека Џиџи Дел Нери нема да биде тренер на тимот следната сезона.

Јувентус му врачи отказ на Дел Нери, она што сите го очекуваа се случи денеска, Старата Дама официјално соопшти дека Џиџи нема да биде на кормилото на тимот следната сезона.

"Фудбалскиот Клуб Јувентус информира дека Луиџи Дел Нери нема да биде тренер во сезоната 2011/2012" - стои во соопштението на Јувентус.

"Претседателот Андреа Ањели, директорите и тимот сакаат да му заблагодарат на Дел Нери за неговата напорна работа и му посакуваат успех во професионалната иднина".

Ваквиот расплет на настаните следуваше по очајната сезона на Јувентус во која тимот не успеа да избори ниту пласман во Лига Европа.

Италијанските медиуми шпекулираат дека наскоро Антонио Конте ќе биде промовиран како нов тренер на клубот од Торино.

Powered by: 24 FUDBAL.com.mk