Англија Манчестер Јунајтед потврди дека Пол Сколс решил да стави крај кариерата како професионален фудбалер и да ги обеси копачките на ѕид

36 годишниот ветеран, кој има 676 настапи во дресот на ’Црвените Ѓаволи’ подолго време се двоумеше за својата иднина.

Сер Алекс Фергусон се надеваше дека ќе успее да го убеди Пол Сколос да стави потпис на нов едногодишен договор но очигледно Шкотот не успеа во ваквите свои намери.

Манчестер Јунајтед денеска соопшти дека Пол Сколс одлучил дека е време да ги обеси копачките на ѕид и да стави крај на кариерата како професионален фудбалер.

Поранешниот репрезентативец на Англија, сепак ќе остане на Олд Трафорд и следната сезона ќе биде дел од тренерскиот персонал.

Сер Алекс Фергусон рече: “Што повеќе можам да кажам за Пол Сколс а да не сум го кажал претходно. Ќе ни недостасува навистина, неверојатен фудбалер.“
 
“Пол секогаш беше верен и целосно посветен на овој клуб и задоволен сум што ќе стане дел од тренерскиот персонал за следната сезона. Пол секогаш бил инспирација за фудбалерите од сите години и знаеме дека тоа ќе остане така и кога тој ќе ја започне новата улога.”

Самиот Сколс додаде: “Не сум човек што говори многу но искрено можам да кажам дека играњето фудбал е се она што сум сакал да го правам и навистина ми е чест што имав толку долга и успешна кариера во Манчестер Јунајтед.”

“Ова не беше лесна одлука но чувствувам дека сега е моментот да престанам со играњето фудбал.”

“Голема привилегија е што бев дел од тимот што му помогна на клубот да стигне до 19та титула во Премиер Лигата.”

Powered by: 24 FUDBAL.com.mk