Англија Џек Вилшер вели дека би било тотална катастрофа доколку Арсенал не успее и следната сезона да освои трофеј.

19-годишниот фудбалер од средниот ред кој одигра импресивна сезона, смета дека Арсенал мора да покаже поголема агресивност доколку сака да биде сериозен претендент за пехар.

Поминаа шест години откако Арсенал последен пат се радуваше на титула, се чинеше дека изминатава сезона беа блиску до прекин на постот, но сезоната заврши разочарувачки.

Вилшер вели дека би било апсолутна катастрофа доколку не успеат и следната сезона да се закитат со трофеј.

"Ќе биде комплетна катастрофа доколку не освоиме трофеј следната сезона" - вели Вилшер.

"Го знаеме тоа. Фановите го чувствуваат. Едноставно треба да освоиме трофеј".

"Арсенал е голем клуб и треба да освојува трофеи. Треба да освојуваме за да ги задржиме нашите големи фудбалери".

"Мораме да бидеме свесни и повеќе агресивни. Имаме фудбалери кои можат да го направат тоа, но треба да делуваме како тим".

"Треба да покажеме поголема агресивност и повеќе авторитет".

Powered by: 24 FUDBAL.com.mk