Италија Интер ги отфрли шпекулациите кои го поврзуваа Маикон со заминување од Џузепе Меаца...

Маикон, кој е суспендиран за финалето од Купот и дуелот во недела против Палермо, доби одмор од Интер да замине во родниот Бразил.

Медиумите од Италија ова го сватија како сигнал дека Интер е подготвен да го продаде Маикон и денеска се појавија шпекулации кои велеа дека десниот бек ќе замине од Џузепе Меаца во летниот трансфер период.

Но Нероаѕурите со соопштение на својата страна ги негираа ваквите натписи.

“Ф.К. Интер сака да повтори дека Маикон, кој е суспендиран за финалето од Купот на Италија, доби дозвола да замине поради персонални причини, како што беше објаснето од тренерот Леонардо за враме на прес-конференцијата што минатата сабота се одржа во пресрет на дуелот Интер-Катанија.” – гласеше соопштението на Интер.

“Последните шпекулации на медиумите кои се однесуваат на иднината на фудбалерот се несфатливи и без основа.”

Реал Мадрид минатата сезона силно се поврзуваше со ангажман на Маикон но Кралевите се откажаа од зделката поради големиот финансиски напор што требаше да го направат.

Шпекулациите на медиумите од Италија сега одново го поврзуваат Маикон со можна преселба на Сантијаго Бернабеу.

Powered by: 24 FUDBAL.com.mk