Италија Тренерот на Милан, Масимилиано Алегри го нарече Жозе Мурињо патетичен и несигурен...

Масимилиано Алегри со Милан го освои Скудетото и ја прекина серијата на Интер кој во минатата сезона ја освои тројната круна на чело со Жозе Мурињо.

Во интервју за комичното шоу Le lane, Алегри беше запрашан што мисли за Жозе Мурињо.

Алегри требаше да ги опишува своите колеги од другите клубови.

"Сите знаат дека Мурињо е патетичен. Тој секогаш повторува едни исти работи и тоа го прави банален" - вели Алегри.

"Мислам дека тој е многу талентиран, но со неговата ароганција сака да ја прекрие несигурноста".

"Слабата точка на Леонардо е тоа што тој е премногу џентлмен. Џиџи Дел Нери е премногу тврдоглав. Лучиано Спалети е ќелав".

"Чезаре Прандели е дипломат. Волтер Мацари е премногу нервозен".

Запрашан дали во иднина би можел да ги следи стапките на Леонардо и од Милан да се пресели во Интер, Алегри одговори:

"Во животот никогаш не знаете, но ривалството помеѓу Интер и Милан е преголемо, па овие клубски бои ви влегуваат под кожа".

Powered by: 24 FUDBAL.com.mk