Италија Милан соопшти дека е постигнат договор со Кларенс Сидорф за продолжување на соработката за уште една година...

Холанѓанецот беше под договор со Росоњерите до крајот на следниот месец и минатата недела имаше средба со Адриано Галијани.

Потпретседателот на Милан тогаш откри дека тие се договориле со Сидорф за новиот договор да биде во трајност од една година а потврди дека се и на прав пат кога се во прашање економските услови.

Но Кларенс Сидорф изрази желба да разговара со тренерот Масимо Алегри и да дознае каков ќе биде неговиот статус иднината сезона.

Утрово Сидорф пристигна во канцелариите на Милан на нова рунда преговори и за кратко време двете страни успеаа да ја продолжат соработката за уште една година.

“Милан може да потврди дека Кларенс Сидорф стави потпис на нов договор со трајност до 30ти јуни 2012.” – гласеше соопштението на официјалната веб страна на Милан.

Powered by: 24 FUDBAL.com.mk