Англија Џејми Карагер смета дека неиграњето во Европа може да биде позитивно за Ливерпул кој следната сезона ќе се бори за враќање во топ 4...

Црвените финишираа на шестото место во Премиер лигата и не успеаа да изборат пласман во Лига Европа иако на две кола пред крајот ја имаа таа позиција.

Карагер вели дека тие сакале да настапуваат во Лига Европа, но смета дека можеби вака е подобро со оглед на тоа што ќе имаат полабав распоред во однос на конкурентите кои ќе се борат за првите позиции.

"Сакавме да се пласираме во Лига Европа, но тоа не се случи и треба да гледаме на позитивните работи" - изјави Карагер за официјалниот веб сајт на Ливерпул.

"Главната работа за следната сезона е да се вратиме во Лигата на Шампионите".

"Тоа што нема да играме во Европа ќе ни даде поголема шанса да ја оствариме целта. Сакаме да се вратиме во топ четири и да одиграме добро во куповите".

"Играњето четвртоци и саботи не е идеално, па добро е што не сме инволвирани во Европа".

Powered by: 24 FUDBAL.com.mk