Италија Франческо Тоти би сакал да го види Карло Анчелоти на клупата на Рома откако тој синоќа беше отпуштен од кормилото на Челзи...

Италијанскиот стратег од вчера повеќе не е тренер на Сините откако експресно по последното коло во Премиер лигата доби отказ.

Анчелоти како поранешен фудбалер на Рома никогаш не криел дека еден ден сака да ја предводи Римската Волчица, а Франческо Тоти посакува тој уште во наредната сезона да се врати во Рим.

"Се надевам дека Анчелоти би можел да дојде откако замина од Челзи" - изјави Тоти по вчерашниот натпревар во кој ја совладаа Сампдорија со 3-1.

Останува да видиме дали ваквите желби на Тоти може да станат и стварност со оглед на претходните изјави на Анчелоти дека нема да се врати во Италија следната сезона.

Powered by: 24 FUDBAL.com.mk