Англија Сер Алекс Фергусон верува дека со победа во финалето од Лигата на Шампионите Манчестер Јунајтед ќе ги замолчи сите критичари

Пред почетокот на сезоната многумина се сомневаа во амбициите на Манчестер Јунајтед и тимот на Сер Алкес кој немаше ѕвезди од типот на Кристијано Роналдо и Ерик Кантона.

Но ’Црвените Ѓаволи’ во саботата со освоениот бод на гостувањето кај Блекбурн стигнаа до рекордната 19та титула во Премиер Лигата.

Тимот на Сер Алекс исто така на 28ми мај ќе настапи во финалето од Лигата на Шампионите на Вембли и Шкотот верува дека со победа над Барса тие ќе ги замолчат критичарите.

“Со победа над Барселона ќе ставиме крај на сите расправии за овој тим.” – рече Фергусон.

“Знам дека играме против извонреден тим но дали можете да се обложите против нас? Мислам дека нема да го сторите тоа.”

“Способни сме да одиграме многу добро.”

Powered by: 24 FUDBAL.com.mk