Лига на Шампиони УЕФА нема да го казни Серхио Бускетс откако Европската куќа на фудбалот не најде доволно докази за да го осуди фудбалерот на Барса за расизам

Минатата недела УЕФА соопшти дека е покрената дисциплинска постапка против Серхио Бускетс откако Реал Мадрид достави жалба во која беше посочено дека фудбалерот на Барса со зборовите ’mono, mono’ (’мајмун, мајмун) му се обратил на Марсело.

Бускет беше обвинет за употреба на навредливи и расистички зборови но Контролното и Дисциплинско Тело при УЕФА сега реши да ја одбие жалбата на Реал Мадрид.

Европската куќа на фудбалот соопшти дека поради недостаток на цврсти и убедливи докази, Серхио Бускетс е ослободен од обвинувањата.

Ваквата пресуда значи дека Бускетс ќе може да му се стави на располагање на Пеп Гвардиола за финалето од Лигата на Шампионите и дуелот со Манчестер Јунајтед што на 28ми мај се игра на Вембли.

Powered by: 24 FUDBAL.com.mk