Англија Никлас Бендтнер планира да одржи преговори со Арсен Венгер и да дискутира за неговата иднина како фудбалер на Арсенал...

Интернационалецот од Данска во неколку наврати го изрази своето разочување поради малата минутажа што ја добива оваа сезона.

Бендтнер сега исто така признава дека е фрустриран што често игра на десната крилна позиција иако е класичен напаѓач и затоа планира да одржи преговори со Арсен Венгер.

“Потребно е да разговарам со него (Венгер) бидејќи не сум задоволен што играм на десната крилна позиција.” – рече Бендтнер за TV2.

“Јас сум концентриран само на обезбедувањето место кое ќе ни донесе настап во Лигата на Шампионите и потоа ќе направиме проценка по крајот на сезоната.”

“Секако дека ситуацијата не е најдобра за мене но не зависи се од мене и понекогаш потребно е да се адаптирате на она што го вели менаџерот.”

Се говори дека Баерн Минхен внимателно ја следи ситуацијата на Бендтнер но напаѓачот одбива да ги коментира шпекулациите.

Сепак Данецот открива каков е неговиот сон.

“Доколку се работи за слободен избор, јас би ја одбрал Барселона. Никогаш не сум имал идоли во фудбалот но доколку сум сонувал за настап покрај некој фудбалери тоа би биле Чави и Иниеста.”

Powered by: 24 FUDBAL.com.mk