Шпанија Според пишувањата на каталонскиот Sport, Ерик Абидал ќе го продолжи договорот со Барселона до 2014

Францускиот интернациналец во вторникот ги одигра завршните мигови од реванш средбата помеѓу Барселона и Реал Мадрид во полу-финалето од Лигата на Шампионите со што го направи својот кам-бек по операцијата на туморот на црниот дроб.

Според денешните пишувања на каталонскиот Sport, во исто време со враќањето на теренот на Абидал, агентите на дефанзивецот ќе се вратат на преговарачката маса со управата на Барселона за продолжување на соработката.

Се говори дека двете страни можат да постигнат согласност за новиот договр пред финелето од Лигата на Шампионите што ќе се одигра на Вембли на 28ми мај.

Шпекулациите велат дека Абидал, чиј договор истекува во 2012, ќе ја продолжи верноста за уште две додатни сезони, односно до 2014.

31 годишниот дефанзивец се пресели на Камп Ноу во 2007 од редовите на Лион и во дресот на Барселона има повеќе од 100 настапи со што се промовираше во важен првотимец.

Powered by: 24 FUDBAL.com.mk