Англија Карло Анчелоти ги отфлри шпекулациите кои го поврзуваа со заминување од Челзи и преселба во Рома

Медиумите говорат дека Карло Анчелоти, кој како фудбалер го носеше дресот на Римската Волчица, ќе седне на тренерското столче на Олимпико Стадионот доколку летоска добие отказ од Челзи.

Пред неколку дена, Анчелоти беше забележа во Рим и со тоа ги подгреа шпекулациите за преселба во Рома.

Сепак, стратегот инсистира дека е среќен во Западен Лондон, нема планови да замине од Англија и дека го посетил Рим од персонални причини.

“Посетував само роднини, тоа е се.” – рече Анчелоти за Gazzetta dello Sport.

“Дали мислите дека во пресрет на пресметката помеѓу Челзи и Манчестер Јунајтед некоја личност може да преговара со друг клуб?”

“Веќе кажав но сега одново ќе повторам – се чувствувам многу добро во Лондон.”

“Не сакам да зборувам за мојата иднина се додека не заврши Премиер Лигата.”

“Никогаш не сум преговарал со други клубови.”

“Сакам да останам во Англија и можам да ве осигурам дека следната сезона нема да се вратам во Италија.”

Powered by: 24 FUDBAL.com.mk