Англија Вејн Руни признава дека направил огромна грешка кога минатата година фрли сомнеж врз способноста на Манчсестер Јунајтед да привлекува топ фудбалери и да освојува титули

Англискиот интернационалец во октомви изрази желба да замине од Олд Трафорд и под знак прашалник ја стави силата и абмициите на Манчестер Јунајтед.

Но откако ’Црвените Ѓаволи’ сега се на чекор до финале од Лигата на Шампионите и титула во Премиер Лигата, Руни призна дека направил голема грешка.

“Кога сега ќе погледнам на тоа, колку само погрешив!” – рече Руни.

“Очигледно, разбирам дека направив грешка. Го признав тоа и се извинив и сакав одново да се докажам пред фановите на Манчестер Јунајтед. Чувствувам дека токму тоа го правам сега.”

“Тоа беше одамна и сега се надевам дека му помагам на тимот да забележи успех.”

“Ќе биде одлично доколку ја финишираме сезоната со финале од Лигата на Шампионите и триумф во Премиер Лигата. Јас сум 100% верен на клубот.”

Руни потоа додаде: “Во вториот дел од сезоната работите се многу поразлични. Многу сум посреќен во мојот живот и сум посреќен со начинот на кој играм.”

“Многу сум им благодарен на фановите кои ми даваа поддршка.”

Powered by: 24 FUDBAL.com.mk