Лига на Шампиони Тренерот на Барселона, Пеп Гвардиола не го отпишува Реал Мадрид, вели дека неговиот тим сеуште не се пласирал во финалето.

Барселона заврши огромна задача на патот до финалето на Вембли славејќи со 2-0 против Реал Мадрид на Сантијаго Бернабеу.

Каталонците се на чекор до финалето, мисијата на Реал Мадрид ќе биде исклучително тешка, но Пеп Гвардиола вели дека сеуште ништо не е готово.

"На чекор до финалето сме, но сеуште не сме на Вембли" - изјави Гвардиола по натпреварот.

"Го почитуваме Реал Мадрид и ги знаеме нивните способности па нема да ги потцениме".

"Тимот кој има двете титули во Европските купови никогаш не се предава, уверен сум во тоа".

"Ние одигравме добар натпревар. Ги контролиравме нивните контра напади и нивната воздушна игра каде што се многу опасни".

Меси сега е трет најдобар стрелец во историјата на Барселона, Цезар Родригез (235) и Ласло Кубала (196) се пред него кој има 178 постигнати гола во дресот на Каталонскиот клуб.

"На 23 години да се биде на третото место по постигнати голови во клубската историја. Тоа е неверојатно" - вели Пеп.

Powered by: 24 FUDBAL.com.mk