Лига на Шампиони Менаџерот на Манчестер Јунајтед, Сер Алекс Фергусон признава дека завидува на успехот на Реал, Милан, Баерн, Ливерпул и Ајакс во Лигата на Шампионите

’Црвените Ѓаволи’ имаат само четири настапи во финале од најелитното Европско натпреварување во споредба со Реал Мадрид кој дури во 12 наврати бил во финале, Милан (11), Баерн Минен (осум), Ливерпул (седум) и Ајакс (шест).

Манчестер Јунајтед во три наврати го подигна трофејот од Европскиот Куп но Фергусон жали што 12 настапи во полу-финале не резултираа со поголем број на трофеи.

“Сегашната група има многу искуство во Европа. Полу-финалето е местото каде што треба да бидеме.” – рече Сер Алекс.

“Очекувањата, од моја гледна точка, секогаш биле големи кога е во прашање Европската сцена бидејќи станувате љубоморни на другите клубови со одличен рекорд во Европа.”

“Ги гледаме успесите што другите тимови ги имаат и се обидуваме да го следиме тоа.”

“Гледаме во клубови како Реал Мадрид, Милан, Ајакс, Баерн Минхен и Ливерпул и навистина треба да имаме брз прогрес и да стигнеме на тоа ниво.”

’Црвените Ѓаволи вечер гостуваат на Велтинс Арената во првиот натпревар од полу-финалната пресметка со Шалке и Ферги вели дека тие нема да го потценат својот противник.

“Тие (Шалке) во Лигата на Шампионите го победија секој противник на домашен терен, вклучувајќи ги Валенсија и Интер.”

“Тоа е фантастична форма и Манчестер Јунајтед нема да верува дека ова е лесен натпревар.”

“Ова ќе биде тежок натпревар за нас и мораме да го третираме овој дуел на ваков начин.”

Ферги потоа додаде: “Кога го гледав дуелот Шалке-Интер се чинеше дека нема шанси тие (Шалке) да загубат, и тоа е голема пофалба за нив со оглед на искуството кое го има Интер.”

“Во ниту еден момент не помислив дека ќе загубат. Во поголемиот дел од времето тие имаа комплетна контрола и со леснотија се справуваа кога Интер имаше добро моменти.”

“Оставија добра импресија.”

Powered by: 24 FUDBAL.com.mk