МЕНИ

Лига на Шампиони Тренерот на Шалке, Ралф Рангник верува дека страста и гладта на неговите фудбалери може да им донесе успех над Манчестер Јунајтед и пласман во финалето од Лигата на Шампионите

Шалке вечерва на Велтинс Арената го пречекува Манчестер Јунајтед во првиот натпревар од полу-финалнето во Лигата на Шампионите.

Ралф Рангник вели дека Шалке е понеискусен тим во споредба со ’Црвените Ѓаволи’ но стратегот се надева дека токму тоа, преточено во старст и глад за успех ќе им помогне за пласман во финалето.

“Сер Алекс Фергусон има поголемо искуство и има освоено многу повеќе трофеи.” – рече тренерот на Шалке.

“Манчестер Јунајтед има многу искусен тим, би рекол во просек три до четири години постар од нашиот.”

“Но можеби фактот дека сме понеискусен тим, значи дека ние сме тим гладен за успех.”

“Нашата страст и дисциплина ни помогнаа во средбата против Интер и се надевам дека ова ќе ни биде од корист и во дуелот со Јунајтед.“

52 годишниот Рангник потоа додаде: “Ништо нема да биде решено на првиот натпревар.”

“Знаеме дека Манчестер Јунајтед е многу поорганизиран и покомпактен тим од Интер, па ќе биде тешко да постигнеме многу погодоци.“

“Со тесен резултат, на реванш средбата во Манчестер се ќе биде отворено. Се надеваме дека сеуште ќе бидеме во позиција за пласман во финалето кога ќе се игра вториот натпревар.”

Стратегот исто така вели дека ова е најголемиот натпревар во неговата кариера.

“Кој знае колку од овие фудбалери ќе играат ваков натпревар во годините кои следат? Истото важи и за мене.”

“Ова е мојот најголем натпревар до сега, судејќи според вниманието кое го предизвикува.”

“Секако, кога во предвид ќе се земат двете средби, Јунајтед може да загуби повеќе од нас. Затоа мораме да бидеме многу сериозни но во исто време и да уживаме.”

Ренгник потоа објасни дека е добро запознаен со индивидуалниот квалитет на фудбалерите на Јунајтед.

“Знаеме дека во Манчестер Јунајтед има неколку опасни фудбалери а не само Руни и Ернандез.”

“Тие исто така ги имаат Парк, Нани и Гигс. И доколку го додадеме Евра, имаме шест фудбалери кои се офанзивно ориентирани.”

“Па затоа е потребно да пронајдеме добар баланс помеѓу нападот и одбраната.”