Англија Карло Анчелоти вели дека на Челзи не му се потребни многу засилувања во летниот преоден рок.

Челзи најверојатно сезоната ќе ја освои без освоена титула, па иднината на Карло Анчелоти на клупата на Сините е крјно неизвесна.

Шпекулациите велат дека на Стемфорд Бриџ се подготвува и чистка, па дел од фудбалерите можеби ќе се заминат.

Но Карло Анчелоти смета дека на Челзи не му се потребни големи промени во составот особено по ангажманот на Давид Луиз и Фернандо Торес.

"Не мислам дека ќе има големи промени во летниот преоден рок бидејќи купивме многу важни фудбалери во јануари, Давид Луиз и Торес" - изјави Анчелоти.

"Не мислам дека ни се потребни големи промени".

Анчелоти смета дека повредите кои дошле во погрешно време се дел од причината за големиот број изгубени бодови во Премиер лигата.

"Не мислам дека составот беше доволно добар оваа сезона".

"На почетокот од сезоната, многу од важните фудбалери се повредија".

"Тешко беше да се игра без Лампард, Дрогба, Есиен, Тери, Алекс, беше многу тешко".

"Во дел од сезоната моравме да го играме Фереира на централната одбрамбена позиција бидејќи ги загубивме сите централни дефанзивци".

"Не можете на почетокот од сезоната да мислите дека сите овие фудбалери ќе бидат во аут. Во таквите лоши моменти беше тешко да играме без овие фудбалери, мислам дека тоа не чинеше неколку бодови".

Powered by: 24 FUDBAL.com.mk