Англија Менаџерот на Њукасл, Алан Пердју смета дека судијата Ли Проберт не погрешил што не досудил пенал за Манчестер Јунајтед во финишот од натпреварот.

Њукасл вчера успеа да остане непоразен на Сент Џејмс Парк против лидерот на табелата, Манчестер Јунајтед, натпреварот заврши 0-0.

Фергусон беше незадоволен од одлуката на судијата Ли Проберт да не покаже на белата точка за Јунајтед откако Ернандез падна во шеснаесетникот на домаќините.

Но, менаџерот на Алан Пердју смета дека напаѓачот на Јунајтед одглумил и сосема исправна била одлуката на судијата да не покаже пенал.

"Мислам дека Дани Симпсон ја испружи ногата, што е опасно, но тој не го допре противничкиот играч, тој дефинитивно одглуми" - изјави Пердју по натпреварот.

"Манчестер Јунајтед притисна на крајот, тие се познати по постигнување на погодоци во финишот, па лесно можеше да загубиме".

"Моето срце затрепери малку бидејќи мислам дека заслуживме нешто од натпреварот бидејќи работевме напорно и имавме одличен старт".

"Честитки за судијата бидејќи мислам дека беше храбар".

Пердју смета дека почиста била ситуацијата при стартот на Андерсон врз Ловенкрандс, но судијата ниту за Њукасл не досуди пенал.

"Поочигледен беше пеналот врз Питер Ловенкрандс, тоа беше чист пенал, и не можев да поверувам дека не беше досуден".

"Тоа е приказната за двата пенали, еден кој требаше да биде досуден за нас, и втор кон не беше пенал за нив".

"Среќни сме со нерешениот резултат, фудбалерите дадоа голем напор и можете само да имате пофалби за нивните фантастични перформанси".

Powered by: 24 FUDBAL.com.mk