Англија Сер Алекс Фергусон смета дека судијата требал да досуди пенал за Манчестер Јунајтед во финишот од натпреварот против Њукасл.
Манчестер Јунајтед вчера одигра 0-0 на Сент Џејмс Парк против Њукасл, во финишот од натпреварот Ернандез беше соборен од Дени Симпсон но судијата сметаше дека нема фаул за пенал и му додели жолт картон на Мексиканецот.
Фергусон смета дека таквата одлука била навредлива.
"Беше навредливо, бидејќи тој му покажа жолт картон на Ернандез" - изјави Фергусон за Sky Sports по натпреварот.
"Судијата имаше добар натпревар, мислам дека имаше одличен натпревар, но го расипа впечатокот покажувајќи му жолт картон на фудбалерот".
"Не досуди пенал - добро. Но да му дадете жолт картон, тоа е навредливо".
"Тоа беше чист пенал. Дефинитивно имаше контакт, нема сомнеж за тоа".
Но таква ситуација имаше и за Њукасл кога Андерсон стартуваше врз Питер Ловенкрандс во шеснаесетникот. "Не го видов тоа" - вели Фергусон.
И покрај критиките кон судијата, Фергусон има пофалби за играта на противникот особено за воведниот дел од натпреварот.
"Првите 20 минути Њукасл ги одигра исклучително добро".
"Ние игравме навистина добро во второто полувреме. Имавме голем посед на топката и додавањата беа одлични".
"Само не успеавме да му создадеме проблеми на голманот, тоа беше единственото нешто што недостасуваше".
По овој нерешен резултат, Манчестер Јунајтед има седум бода пред Арсенал но и натпревар повеќе, Фергусон вели дека во предвид треба да биде земен и Челзи кој има само два бода помалку од Топџиите.
"Мислам дека треба да внимаваме и на Челзи и како тие ќе одговорат. Тие имаат три домашни натпревари во серија сега".
Powered by: 24 FUDBAL.com.mk
