Англија Фондацијата на Фанови на Арсенал нема да ги продаде своите акции на потенцијалниот нов сопственик Стен Кроенке

Бизнисменот од САД вчера започна процес за целосно превземање на Арсенал откако го обезбеди контролниот пакет акции во клубот.

Бордот на Арсенал им порача на сите акционери да ја прифатат понудата – 11 750 фунти за акција – но во Фондацијата на Фанови на Арсенал (Arsenal Supporters Trust) планираат да го задржат својот влог во клубот.

Повеќе од 100 членови на фондацијата вчера во вечерните часови имаа средба во Лондон на која се дискутирало за предложеното превземање на клубот по што било одлучено нивните акции да не бидат продадени на Стен Кроенке.

Порпаролот на фондацијата рече: “Арсенал е премногу важен за да биде поседуван само од еден човек.”

“Фондацијата на Фанови на Арсенал сака да работи со Стен Кроенке и да ја задржи можноста фановите на Арсенал да бидат инволвирани во сопственичката структура на клубот".

“Фондацијата на Фанови на Арсенал и Арсенал Фаншер нема да ги продадат акциите кои ги поседуваат и ги советуваат сите фанови да ја одбијат понудата.”

“За шест месеци Арсенал Фаншер шемата доби 1800 членови кои инвестираа 500 000 фунти во акции на Арсенал.”

Фондацијата на Фанови на Арсенал повикувајќи се на свои извори исто така пренесе дека Алишер Усманов нема да го продаде својот влог од 27% во Арсенал.

Powered by: 24 FUDBAL.com.mk