Лига на Шампиони Крилото на Тотенхем, Герет Бејл верува дека тие можат да направат чудо во дуелот со Реал Мадрид и да ја надминат негативата од 4-0 од првиот натпревар
Тотенхем речиси е без шанси за пласман во полу-финалето откако тимот на Хери Реднап загуби со високи 4-0 на гостувањето кај Реал Мадрид минатата недела.
Утре на Вајт Харт Лејн се игра реванш средбата од четврт-финалната пресметка помеѓу Тотенхем и Реал и Герет Бејл верува во чудо.
“Се е можно во фудбалот.” – рече Бејл за Marca. “Спортската историја е полна со неверојатни, луди натпревари.”
“Мадрид загуби со 4-0 на Енфилд пред некоја година? Зошто ние да не го сториме истото?”
“Ќе се обидеме и нема да се предадеме. Се работи за речиси невозможен предизвик, но ние ќе ја одиграме нашата игра и ќе видиме што ќе се случи.”
“Се надевам дека ќе приредиме чудо. Потребно е да бидиме оптимисти. Од самиот старт ќе се обидеме да победиме.”
Се верува дека Реал Мадрид е помеѓу најзинтересираните клубови за услугите на Герет Бејл но 21 годишниот интернационалец од Велс повторува дека во моментов е среќен во Тотенхем.
“Не знам дали ќе игра во Мадрид. Во моментов сум среќен во Тотенхем.”
“Тимот е малд, исто како и јас, па среќен сум тука.”
Powered by: 24 FUDBAL.com.mk
