Шпанија Жерард Пике вели дека Лионел Меси и Кристијано Роналдо се ’екстремно силни’ фудбалери но верува дека неговиот соиграч е подобар фудбалер
Дефанзивецот на Барселона во интервју за L’Equipe вели дека Меси е одлучувачки фудбалер додека пак Роналдо е спектакулран фудбалер.
“Меси има повеќе. Тој е одлучувачки додека пак Роналдо е спектакуларен.” – рече Пике.
“Роналдо дрибла добро, одлично игра со глава но Лео е многу подиректен со топката.”
“Тој секогаш ќе прави повеќе работи а не само да постигнува погодоци.”
Шпанскиот интернационалец признава дека ’двајцата се тешки за маркирање’ но ’Роналдо полесно може да се чува отколку Меси’.
“Потребно е да го принудите Роналдо да игра со левата нога, која не му е толку добра како десната.”
“Треба да го принудите да игра по страна и да не му дозволите да оди кон централниот дел.”
Пике потоа се присети на времињата кога Меси пристигнал во Барселона.
“Тој беше мал и слаб. Сите се чудевме што бара со нас. Но од првиот тренинг не можевме да му ја земеме топката, и сеуште не можеме.”
“Неговата слабост беше физичката градба, ја скрши ногата на вториот натпревар.”
Пике вели дека во Англија научил како ’да го користам телото во дуелите еден на еден’ и го подобрил својот фитнес.
Тој потоа проговори за различните методи кои ги применуваат Сер Алекс Фергусон и Пеп Гвардиола.
“Гвардиола може да се дере гласно како Фергусон, но не го прави тоа. Тој се обидува со дијалог, објаснува како треба и како не треба да се игра.”
“Фергусон е многу поимпулсивен но двајцата имаа капацитет да ги мотивираат своите фудбалери.”
Powered by: 24 FUDBAL.com.mk
