Англија Фудбалската Асоцијација на Англија покрена обвинение против Вејн Руни откако напаѓачот пцуеше кон камерата на средбата против Вест Хем

Руни пцуеше кон ТВ камерата откако го постигна својот трет погодок во победата на Манчестер Јунајтед од 4-2 над Вест Хем на Аптон Парк во саботата.

Англискиот интернационалец подоцна се извини за својата постапка но и покрај тоа ФА одлучи да покрене постапка и го обвини Руни за употреба на навредлив јазик.

Доколку Руни биде осуден за виновен по ваквите обвинувања, напаѓачот ќе добие суспензија од два натпревари.

“ФА денеска го обвини Вејн Руни од Манчестер Јунајтед за употреба на навредлив јазик при инцидентот што се случи на средбата против Вест Хем.“ – гласеше соопштението на ФА.

“Руни има можност до 5ти април, 18 часот (англиско време), да одговори на обвинувањата.“

Руни сега треба да одлучи дали да поднесе жалба или да го прифати обвинението.

Доколку реши да го прифати обвинението, тој ќе го пропушти дуелот со Фулам во Премиер Лигата како и средбата со Манчестер Сити во полу-финалето од ФА Купот.

Powered by: 24 FUDBAL.com.mk