Италија Сезоната за Филип Мексес е завршена откако дефанзивецот ги повреди лигаментите на коленото на вчерашниот дуел со Јувентус

Кон финишот на првото полувреме од вчерашната средба со Јувентус, Филип Мексес се пожали на болка во левото колено.

Дефанзивецот се појави на теренот на стартот на второто полувреме но по само пет минути мораше да го напушти теренот.

Поради повредата, францускиот интернационалец утрово замина на детални лекарски прегледи.

Рома попладнево со соопштение на својата официјална веб страна потврди дека Мексес има повреда на лигаментите на коленото.

Дефанзивецот сега ќе треба да замине на операција а Рома најави дека во следните денови ќе биде соопштено колкав период Мексес ќе биде надвор од стројот.

Според медиумите од Италија, Французинот ќе паузира околу четири до пет месеци со што практично сезоната за дефанзивецот е завршена.

Мексес против Јуве можеби го одигра последниот натпревар во дресот на Рома откако неговиот договор со Римската Волчица истекува во јуни а подолго време се шпекулира дека фудбалерот веќеима постигнато согласност со Милан за преселба на Сан Сиро.

Powered by: 24 FUDBAL.com.mk