Лига на Шампиони Жозе Мурињо ги повика своите фудбалери да се фокусираат само на првата средба со Тотенхем во четврт-финалето од Лигата на Шампионите
’Специјалниот’ се појави на редовната прес-конференција во пресрет на утрешниот дуел со Тотенхем на Сантијаго Бернабеу.
Мурињо истакна дека Бензема нема да биде подготвен за утрешниот натпревар додека пак Роналдо, Марсело и Ди Мариа се неизвесни.
“Ова е натпревар во кој многу фудбалери сакаат да играат, но не се во можност.” – рече Мурињо.
“Поминаа неколку години откако Реал Мадрид играше натпревар од четврт-финале во Лигата на Шампионите.”
“Лигата на Шампионите е најважното клубско натпреварување во светот на фудбалот.”
“Секој што игра во него не треба да гледа далеку за да побара мотивација. Се што треба да направиме е да се фокусираме на овој натпревар.”
“Овој натпревар е премногу важен и премногу убав за играње за да мислиме на други работи.”
“Ништо друго не е важно кога се игра ваков натпревар.”
Неколку фудбалери на Реал Мадрид се мачат со повреди па Мурињо беше запрашан за тоа кого се има на располагање.
“Не знам како се чувствуваат тие, по тренингот ќе го објавам списокот со повикани фудбалери. Бензема нема шанси за настап зошто не тренира со нас.”
“Роналдо, Ди Мариа и Марсело се неизвесни.”
Во саботата, по поразот од Спортинг на домашен терен, Мурињо истакна дека и реми без погодоци против Спарс ќе биде добар резултат.
“Секогаш сум велел дека во Лигата на Шампионите, реми на првиот натпревар одигран на домашен терен не е лош резултат, особено ако е 0-0. Тоа е добар исход, но не значи дека ќе одиме на овој резултат. Реми на домашен терен не е лош исход во Лигата на Шампионите.”
Мурињо потоа проговори за менаџерот на Тотенхем, Хери Реднап.
“Хери Реднап е мој пријател и пријателите секогаш велат добри работи едни за други.”
“Не е потребно да кажам фини зборови за неговата работа. Секој може да го види неговиот успех. Среќен сум поради него.”
“Искрено посакувам да стигне до финалето доколку јас не можам да бидам таму.”
За Герет Бејл, кој се верува дека е трансфер цел и на Реал Мадрид, Мурињо додаде: “Јас бев еден од првите луѓе што кажа дека Герет Бејл ќе биде одличен фудбалер.”
“Го кажав тоа уште кога тој не беше толку познат лик во Европскиот фудбал”
“Знаев дека се работи за одличен фудбалер. Се работи за млад фудбалер кој има многу простор за подобрување.”
“Мислам дека ќе биде најдобар помеѓу најдобрите.”
Powered by: 24 FUDBAL.com.mk
