Италија Едисон Кавани вели дека не сака да го споредуваат со Диего Марадона, бидејќи тој не е само единствен, туку важи и за Бог на Наполи.

Кавани има фантастична сезона во дресот на Наполи постигнувајќи 22 гола во Серија А на осум кола до крајот.

Во интервју за Sky Italia, запрашан какво влијание за него има тоа што е споредуван со ефектот на Марадона во дресот на Наполи, Кавани одговори:

"Нема влијание. Диего е единствен. Многу е тешко да го имитирате Диего и како фудбалер и како личност, па јас никогаш не се споредувам со Диего бидејќи тој е идол тука и како што велат Наполитанците, тој е Бог на овој град".

"Јас размислувам само да го дадам максимумот и да оставам печат во меморијата на луѓето и историјата на Наполи".

Powered by: 24 FUDBAL.com.mk