Англија Менаџерот на Арсенал, Арсен Венгер потврди дека Робин ван Перси ќе биде во составот за натпреварот против Блекбурн.

Арсенал утре го пречекува Блекбурн на Емирати, на Топџиите им се неопходни победи доколку сакаат да ја освојат титулата во Премиер лигата.

Во натпревар на холандската репрезентација Робин ван Перси заработи повреда, првичните прогнози беа дека не се работи за нешто сериозно, тоа сега го потврдува и Венгер кој вели дека напаѓачот ќе биде во комбинација за натпреварот против Блекбурн.

"Тој е добар, ќе биде во составот" - изјави Венгер.

"Имаше удар во коленото и требаше да го тестира утрово, доколку нема реакција би требало да биде добар".

"Ова е финален дел од сезоната, доколку изгубите сега фудбалер тоа е исто како да го загубите за до крајот од сезоната".

"Сега сме во последниот спринт за титулата па сакате сите фудбалери да ги имате на располагање".

"Она што ќе биде одлучувачко се нашите перформанси до крајот од сезоната па сакате да ги имате сите клучни фудбалери".

Powered by: 24 FUDBAL.com.mk