Италија Масимилиано Алегри е свесен дека Милан во дербито влегува со само еден освоен бод од последните две средби, но вели дека во фудбалот работите се менуваат.

Милан има два бода предност пред шампионот Интер пред големото градско дерби кое на програмата е утре.

"Освоивме само бод од последните два натпревари, но фудбалот е прекрасен затоа што се може да се промени" - изјави Алегри.

"21 коло сме на врвот. Знаеме дека не можеме да го освоиме Скудетото на месец пред крајот. Треба да размислуваме на тоа како да дојдеме утре до резултат".

"Тоа е екстремно важен натпревар, но повеќе за нив отколку за нас. Кога ќе започне натпреварот Милан ќе биде прв, доколку победиме ќе имаме пет бода пред нив на седум натпревари до крајот. Тоа нема да биде лошо, но вистина е дека на последните два натпревари освоивме само бод".

"Не ми се допаѓа кога луѓето зборуваат за нас како веќе да сме го освоиле Скудетото. Трофејот го освојувате ако на крајот од сезоната имате барем еден бод предност".

"Одиме натпревар по натпревар".

Powered by: 24 FUDBAL.com.mk