Германија Вердер Бремен не ја отфрла можноста Пер Мертесакер и Тим Визе да бидат продадени по крајот од сезоната.

Договорот на Мертесакер со Вердер Бремен истекува во 2012 година, па клубот ќе мора да го продаде во летниот преоден рок доколку сака да заработи од негов трансфер.
Се чини дека Мертесакер нема намера да го продолжи договорот со Вердер, а шпекулациите велат дека Арсенал и Ливерпул се интересираат за неговите услуги.

Генералниот менаџер на клубот, Клаус Алофс вели дека клубот е подготвен да слушне понуди за Мертесакер и голманот Тим Визе на кој исто така во 2012 му завршува договорот.

"Доколку не успееме да ги продолжиме договорите ќе треба да видиме кои опции ги имаме на располагање" - вели Алофс.

"Не можам да се игражам само за финансиите, исто така не можам да се грижам само за спортскиот фактор, мора да има баланс".

"Веднаш што ќе дознаеме каква ќе биде нашата судбина во Бундеслигата, ќе соопштиме дали можеме да ги продолжиме овие договори".

"Ќе бидеме во преговори, тоа е сигурно".

Powered by: 24 FUDBAL.com.mk