Англија Талентираниот Рафаел Леао од Деспортиво Бразил ќе биде на позајмица во Манчестер Јунајтед до 30ти јуни

17 годишниот Леао заедно со Агилар, Лукас Евангелиста, Агналдо и Галдстони, беа дел од ложата на Олд Трафорд на средбата што Манчестер Јунајтед ја одигра со Болтон пред неколку недели.

Овие пет млади фудбалери беа на Олд Трафорд како дел од партнерството што го има Манчестер Јунајтед со академијата Деспортиво Бразил.

На 6ти април, Рафаел Леао ќе наполни 18 години па со тоа ќе се здобие со можност легално да замине од сопствената земја.

Затоа токму Леао е првиот кој ќе се пресели во Манчестер Јунајтед и тоа на позајмица до 30ти јуни.

Рафаел Леао, кој е дефанзивец од средниот ред и често споредуван со легендата на Бразил, Дунга, на Олд Трафорд ќе треба да се здобие со искуство преку работење со У18 тимот.

Агилар, Лукас Евангелиста и Агналдо минатата ндела настапија за Тветен на пријателски натпревар и актуелниот шампион на Холандија ќе се искористи како транзициски клуб на тинејџерте.

Тветен покрај тоа што ќе се користи за ’калење’ на овие млади фудбалери, ќе треба да им помогне и при добивањето на ЕУ пасош.

Powered by: 24 FUDBAL.com.mk