Англија Фудбалерот од средниот ред на Тотенхем, Нико Крањчар најави дека ќе бара нов клуб во летниот преоден рок.

Крањчар стартуваше на само четири натпревари во сите натпреварувања оваа сезона за Тотенхем.

Тој е во сенка на Герет Бејл и неговиот сонародник Лука Модриќ.

26-годишниот фудбалер знае дека тешко може да дојде до задоволителни минути на Вајт Харт Лејн, па вели дека среќата ќе си ја побара во друг клуб.

"Ќе се обидам да најдам фудбалски клуб каде што ќе можам да играм стандардно" - изјави Крањчар.

"Тоа зависи од тоа кои ќе испратат понуди за мене, дали некој сака да ме купи".

"Ми недостасува играњето. Не сум во најдобра форма бидејќи не играм секоја недела. Па овие 90 минути против Франција ќе ми помогнат да се вратам колку толку и се надевам дека ќе добијам поголема шанса".

"Амбициозен сум и сакам да играм фудбал. Особено поради тоа што сум во моите најдобри години".

"Доколку бев млад, ќе ја чекав мојата шанса, особено во голем клуб како што е Тотенхем. Но мислам дека 27, 28 и 29 се најдобрите фудбалски години".

"Но менаџерот одлучува кој ќе игра а кој не, јас треба да ги почитувам одлуките".

"На него ќе му се суди за резултатите, дали тие се добри или лоши, и очигледно е дека оваа сезона извршува добра работа".

Powered by: 24 FUDBAL.com.mk