Англија Плејмејкерот на Сантос, Паоло Хенрике Гансо изрази надеж дека наскоро ќе може да заигра во Серија А

Гансо е цел на Интер и Милан и се говори дека агентите на фудбалерот веќе се во Милано каде што ќе одржат преговори со претставници на Нероаѕурите и Росоњерите.
21 годишниот плејмекер вели дека долго време сонува за настап во Серија А и се надева дека во блиска иднина ќе може да се испроба во шампионатот на Италија.

Во интервју за Sky Sport Italia, запрашан дали ќе заигра во Серија А, Гансо одговори: “Не можам да ја предвидам иднината, немам идеја што таа ќе донесе.”

“Но се надевам дека еден ден ќе играм во Италија, тоа е сон што го имаме од почетокот на мојата кариера и можеби ќе се оствари наскоро.”

Запрашан каде подобро ќе се вклопи во Интер или Милан, Гансо рече: “Не знам каде подобро ќе се вклопам. Но Интер и Милан се клубови кои имаат одлични фудбалери и тоа ќе ми помогне за подобро прилагодување.”

Гансо потоа откри дека често разговара со дефанзивецот на Милан, Тиаго Силва и тренерот на Интер, Леонардо.

“Често разговарам со Тиаго Силва, кој ми е пријател од селекцијата на Бразил.”

“Тиаго секогаш се шали со мене и ме кани да му се приклучам во Милан.”

“Леонардо ми кажа многу убави работи за Интер. Знам како Нероаѕурите се организирани, но во поголемиот дел од времето разговараме за мене и за тоа како да се подобрам.”

“Од поодамна не сум се видел со него, но често зборуваме на телефон и тој ми дава многу совети.”

Гансо исто така потврди дека неговите агенти се во Европа но не сакаше да открие со кого тие ќе се сретнат.

Во меѓувреме, потпретседателот на Милан, Адриано Галијани истака дека не знае ништо за можна средба со агентите на Гансо.

Powered by: 24 FUDBAL.com.mk