Англија Дефанзивецот на Ливерпул, Мартин Шкртел сака сопствениците на клубот да му понудат нов долгорочен договор на Кени Далглиш.

Откако Рој Хоџсон беше отпуштен од кормилото на Ливерпул, Кени Далглиш беше назначен за привремено решение за менаџерската позиција.
Далглиш одлично го води тимот, ја врати позитивната клима во соблекувалната, а дојдоа и резултатите.

Фудбалерите се задоволни од неговата работа, а последен кој побара негово останување е Мартин Шкртел.

"Доколку тој добие договор на долго време, јас ќе бидам многу среќен" - изјави Шкртел за LFC Weekly.

"Секој ден тој ја прави работата на тренинзите интересна, уживаме во тоа. Сега победуваме на натпреварите. Може да се каже дека Кени е победник".

"Тој знае како да го извади притисокот и да го заштити составот. Многу работи се променија откако тој дојде на клупата, но најважна е самодовербата. Кени ни го даде тоа. Со самодоверба во фудбалот можете да освојувате големи работи".

За можноста да го напушти Ливерпул, Шкртел одговори:

"Зошто би заминал на друго место? Знам дека сум во голем клуб, еден од најголемите во светот, со историја и со навивачи како никој друг клуб".

"Имаме големи фудбалери како Џерард, Луиз Суарез и Енди Керол. Горд сум што сум тука".

Powered by: 24 FUDBAL.com.mk