Англија Капитенот на Ливерпул, Стивен Џерард се надева дека ќе биде фит за гостувањето кај екипата на Вест Бромвич Албион

30 годишниот англиски интернационалец на 10ти март замина на операција на препоните и прогнозите говореа дека Џерард ќе паузира околу еден месец.
Но капитенот на Ливерпул се опоравува подобро од предвидувањата и би можел да започне со целосен тренинг веќе од утре.

Тој е оптимист дека ќе може да настапи на средбата во сабота против ВБА но признава дека Кени Далглиш ќе треба да одлучи за неговото враќање на терените.

“Се надевам дека ќе започнам со целосен тренинг во четврток и ќе му се ставам на располагање на менаџерот за викенд средбата.” – рече Џерард за talkSPORT.

“Па останува на Кени (Далглиш) да одлучи дали сум подготвен или не.”

“Со нетрпение чекам да се вратам на терените.”

Powered by: 24 FUDBAL.com.mk