МЕНИ

Англија Манчестер Јунајтед ги користи услугите на шампионот на Холандија, Твенте како отскочна даска за неколку млади фудбалери од Бразил и Јужна Америка

Според сегашните правила на ФА, на клубовите од Англија им е тешко да ангажираат млади таленти од Јужна Америка поради правилата за работна дозвола.

Со цел Манчестер Јунајтед да не дозволи некој друг да стигне до ваквите таленти се говори дека ’Црвените Ѓаволи’ склучиле договор за ко-операција со Твенте и актуелниот шампион на Холандија треба да им помогне на фудбалерите да дојдат до ЕУ пасош.

Гладстони, Агилар, Лукас Евангелиста, Агналдо и Рафаел Леао беа забележани во ложата на Олд Трафорд на средбата што Манчестер Јунајтед ја одигра со Болтон минатиот викенд.

Овие фудбалери беа во Манчестер како дел од договорот што клубот го има со Деспортиво Бразил.

Академијата Деспортиво, која е во сопственост на фудбалската компанија од Јужна Америка Traficc, се фокусира на развојот на млади таленти и нивна продажба со цел да се обезбеди профит.

Претседателот на компанијата за интернационален бизнис, Јокен Лош го потврди начинот на кој се користи партнерството за Јунајтед да може да ги добие талентираните Бразилци.

“Твенте е партнер, помага Јунајтед да го реши проблемот со нивните ЕУ пасоши.” – рече Лош за Daily Mail.

“Поради две причини е подобро фудбалерот најпрво да замине во Холандија.”

“Прво, по две или три години тој ќе може да се смета за Европјанец. И секако, полесно е да се игра во шампионатот на Холандија наместо во Премиер Лигата.”

Тој потоа додаде: “Манчестер Јунајтед бара млади фудбалери во Бразил, Аргентина, Уругвај и Парагвај.”

“Доколку најдат некој добар не контактираат нас.”

“Ние ќе го ангажираме фудбалерот, ќе го регистрираме во Деспортиво Бразил, и имаме договор со Манчестер Јунајтед дека тие имаат опција да го купат фудбалерот кога тој ќе наполни 18 години за фиксна сума.”

“Доколку испадне дека момчето е новиот Алаксандре Пато, Јунајтед ќе го добие со голем попуст бидејќи ние ќе го испочитуваме договорот.”

“Доколку тие не го сакаат фудбалерот, ние ќе го задржиме.”