Шпанија Жозе Мурињо вели дека Реал Мадрид е неговата блиска иднина и е отворен за продолжување на договорот со Кралскиот клуб

Мурињо вчера се појави на презентацицијата на својот сонародник и добар пријател, Луис Кампос кој објави ДВД за фудбалски тренинзи за деца.

По презентацијата, ’Специјалниот’ разговараше со медиумите и неговата иднина секако дека беше една од најитересните теми.

Запрашан дали ќе го испочитува договорот со Реал Мадрид, Мурињо рече: “Никогаш не сум ја криел желбата еден ден да се вратам во Англија.”

“Но имам уште три години од договорот со Реал Мадрид и имам намера да ги испочитувам и да работам напорно со цел бордот на клубот, фановите и фудбалерите да бидат среќни.”

“Доколку успеам да го сторам ова, јас останам тука до крајот на договорот и можби ќе ставам потпис на нов договор.”

“Во моментов чувствувам дека сите се среќни со работата која ја вршиме. Реал Мадрид е мојата блиска иднина.”

Мурињо потоа проговори за здравствената состојба на Кристијано Роналдо и Гонзало Игуаин.

“Се надевам дека Роналдо ќе се опорави за средбата со Тотенхем. Судејќи според неговиот менталитет, верувам дека ќе настапи, но се до последен момент ќе биде неизвесно.”

“Гонзало Игуаин за прв пат денеска (вчера) одигра еден тренинг натпревар. Тој одигра 60 минути, две полувремиња по 30 минути.”

“Очигледно е дека тој сеуште не е фит. Не знам дали ќе биде подготвен за средбата со Спортинг но наскоро ќе се врати на терените.”

“Ќе биде важно да го имаме на располагање со оглед на тоа дека до крајот на сезоната ќе имаме многу натпревари за играње.”

За можноста следното коло од Ла Лига кое е на програмата на 2ри и 3ти април да не се одигра, стратегот на Реал рече: “Тоа е нешто за кое Федерацијата и клубовите треба да се договорат.”

“Ние професионалците ќе го сториме она што ќе треба да го сториме, знаејќи дека треба да одиграме 38 кола со или без прекини.”

“Ја очекуваме конечната одлука.”

Powered by: 24 FUDBAL.com.mk