Италија Голманот на Јувентус, Џиџи Буфон од тренинг кампот на Италија одби да говори за неговата иднина

33 годишниот италијански интернационалец често се поврзува со преселба во Манчестер Јунајтед и се говори дека Старата Дама ќе биде принудена летоска да продаде некоја своја ѕвезда доколку не обезбеди настап во Европа.
Запрашан дали планира да остане во Јувентус, Буфон рече: “Сега нема потреба да говориме за трансфер пазарот.”

“Има многу поинтересни работи на кои треба да се мисли.”

“Има уште осум натпревари до крајот на сезоната и јас треба да се обидам со чест да го бранам дресот на Јувентус.”

“Потребно е да завршиме на достоинствен начин, со надеж дека ќе се искачиме некоја позиција погоре.”

Буфон исто така вели дека не жали што гледа како екипите на Наполи и Удинезе се борат за Скудетото.

“Не знам кој ќе го освои Скудетото.”

“Ние сме далеку од врвот и нема причини зошто да жалиме. Мислиме само на нас и на тоа како да ја завршиме сезоната на најдобар можен начин.”

Powered by: 24 FUDBAL.com.mk