Англија Менаџерот на Тотенхем, Хери Реднап вели дека Арсенал и Челзи со лошата форма практично му ја даваат титулата на Манчестер Јунајтед

Манчестер Јунајтед има пет бода предност во однос на Арсенал (Топџиите сепак имаат и натпревар помалку) откако во саботата со играч помалку во завршните мигови од средбата постигнаа погодок за победа во дуелот со Болтон додека пак

Арсенал не успеа да направи комплетен пресврт во дуелот со ВБА и мораше да се задоволи само со реми од 2-2.

Челзи сега полека влегува во форма но поради кризата од претходните два месеци ’Сините’ имаат заостанување од девет бода во однос на ’Црвениет Ѓаволи’ (но и натпревар помалку) па со тоа и мали шанси за одбрана на титулата.

Менаџерот на Тотенхем, Хери Реднап верува дека ова е еден од најслабите тимови на Манчестер Јунајтед во споредба со претходните неколку години но и покрај тоа ’Црвените Ѓаволи’ ќе ја добијат титулата поради грешките што ги прават другите екипи.

“Навистина, ние на Манчестер Јунајтед му ја даваме титулата.” – рече Реднап.

“Ова е најслабиот Манчестер Јунајтед од последните неколку години, тие се мачат, особено на гостувањата, но и покрај тоа продолжуваат да освојуваат бодови на натпревари на кои требаше да загубат.”

“Челзи имаше многу киксови, Арсенал исто така – па останува на некого оваа година да го освои првенството.”

Тотенхем во моментов е на петото место и Спарс ќе имаат тешка битка за повторно да обезбедат настап во Лигата на Шампионите.

Но Реднап верува дека со две топ засилувања, Тотенхем следната сезона ќе може да се бори за титулата.

“Мислам дека Спарс се на исто ниво со останатите големи клубови.”

“Луѓето можеби ќе мислат дека сум луд што целам кон освојување на првенството но мислам дека тоа е остварилва цел.”

“Но доколку успееме во тоа, ќе се работи за мало чудо, нели? Доколку го сториме тоа, мислам дека ќе се пензионирам.”

“Доколку успееме да ангажираме фудбалери од калибарот на Лука Модриќ, сигурно дека ќе можеме да се бориме за титулата.”

Powered by: 24 FUDBAL.com.mk