Лига на Шампиони Горан Пандев очекува дуелот со Шалке да биде тежок но додава дека Интер ќе го даде максимумот за пласман во следната рунда

Македонскиот интернационалец беше јунакот на Интер на средбата со Баерн Минхен откако Пандев во 88та минуга стрелаше прецизно за победа од 3-2 и пласман во следната рунда од Лигата на Шампионите.
Пандев посака нова екипа од Германија за противник во четврт-финалето и денешната ждрепка во Нион ги спои Нероаѕурите со Шалке.

“Потребно е само да мислиме дека Шалке ќе биде тежок противник бидејќи сите тимови што се во четврт-финале се многу сулни.” – рече Пандев за ТВ каналот на Интер.

“Но ние ќе го дадеме максимумот.”

Запрашан дали обврските во Лигата на Шампионите ќе наштетат на битката на Интер за титулата во Серија А, Мекедонецот рече: “Искуството од минатата сезона не' научи дека ниту еден противник не е за потценување.”

“Сега ќе мислиме само на Лече а дури потоа ќе мислиме на Лигата на Шампионите.”

“Знаеме дека Шалке е противник кој воопшто не е лесен и настапува на многу жежок терен.”

Powered by: 24 FUDBAL.com.mk